شئ ما يذكرني بأنتخابات البرلمان في مصرهم - حيث لا يوجد دليل واحد يجعلها مصرنا سوي اننا وجدنا في هذة الارض فيجب علينا النضال ضد نظام كريه - المهم غالبا ما تقفز ايام الانتخابات علي ذهني حامله معها الاما و ابتسامات اكثر, رغما ان نتيجه الانتخابات حصدت للأخوان المسلمين والحزب الواطي , اعتقد ان السبب في رجوع هذة الذكريات الي ذهني هو ما حدث مؤخرا من احداث حقيرة في الاسكندرية , كنا نساند مرشح جبهة التغيير الوطنية و حزب التجمع , رغم اختلافي الشديد الشديد مع هذا الحزب الذي وصل مؤخرا لدرجه العداء , لكن ما فرضته علينا جبهة التغيير كان ذو جدوى , بطبيعه الحال بلدنا , الشرقيه , 99% منها فلاحين فكانت الجولات الانتخابية دوما تكون في بلاد الفلاحين , و الان يقفز امامي حال بلد نادر في وقتنا العصيب هذا , بلد كفر يوسف سلامه , يااااااااااااااه علي الاحاسيس المتداخلة التي تنتابك وقت دخول زمام هذة البلد , بلد ينتصف اهلها ما بين مسلمين وأقباط , يعيشون في سلام و هدوء صامت و حب حار , مفرغين او بالاحري لم تصل لهم اخبار العالم او حتي مصر فنادرا علي غير العاده ما تجد عند احدهم تلفزيون دخلنا بيوت كثيرة فكان هذا هو الحال , تشق عربتنا - اللي هي اساسا مكروباص تعبان زي بتوع رمسيس عبود - عليها هورن متهالك تخرج منه الفاظا يتعجب لها اهل البلد متل حكم العسكر باطل و باسم السبعه مليون عاطل و حكام طراطير و عايزين حكومة حرة العيشة بقت مرة ..... الخ من الحاجات اللي احنا عارفينها دي الناس تبصلنا أغلب اللي بنقولة مش مفهوم لكن كانت فيه ابتسامه هادئة تشع احساسا بالرضا فجأة ينتفض هذا الجو الشاعري . و يظهر علي الافق اسطول من السيارات صوت ساوندات كتيرة جدا و مزمار وطبل بلدي وفلوس بتترمي وناس ماشيه ادام الموكب بميت متر يحوشوا العيال الصغيرة من طريق الموكب , اوعي ياد اوعي يلا اوعي يابن العرص المهم وصل الاسطول و اذا به مرشح الحزب الوطني طالع علي عربية جيب مكشوفه و عمال يحيي الناس و اوعي يابني و حاسب يا سيدي و نحن نشجب و نرفض ونعم للاصلاحات المباركية لا للفتنة الطائفية ونعم للاعلام الاسلامي و دخل جنبنا الاسطول اكتر من ميتين عربية كلونا خالص محو عربيتنا الغلبانه من الوجود صوتي راح من الزعيق في المكرفون التاريخي بتاعنا . فكان ادامنا اختيار واحد انسحبنا من البلد سبنا الغش و التدليس يقطعوا اوتار البلد اللي كانت ماسكة في بعضها انسحبنا من الطريق اللي جنب الترعه القبليه و احنا خارجين قدر الظرف ابن الكلب ان العربية تخبط لمبة واطيه يطلع راجل كهل من الباب الله يخربيتكوا استغفر الله العظيم يا ولاد دين لكلب و طلعت مراته قالتلنا انتو بتعملوا ايه انتو مش فايقين الناس في اسكندرية بتقطع بعضها روحوا اصلحوهم علي بعض اولي و روحت البيت و اشتريت كمية لا بأس بها من ازايز البيرة وعلبه سجاير و اللي فاكرة بعد كدة اني قعدت اتفرج علي افلام قبيحه واقول لنفسي الثورة جايه جيش اليسار جاي خلاص الغد لنا لقيت ابويا طالع من الباب و قاللي ( احــــــــــــه ) ابقي قابلني في السيما لو عملتو حاجه
ملحوظة هامه جدا : بعد الانتخابات مباشرا سمعت عن اشتباكات ساخنة بين الطرفين في هذة البلد