الجديد

بعد ان كانت كؤوس العرقي تأكل كليتي و بعد ان كان الحشيش يأكل خيالي

الجديد اصبح

الان اصبح

الدود

يأكل

عقلي

الليلة و كل ليلة : شعار جديد لمرحلة تاريخية و عتيقة

الليلة و كل ليله يعودنا زياد الرحباني و من يرافقه في اي عمل, ان يهدينا شعار لكل مرحلة, فأعطانا " بما انه العيشة سودا و مش بيضا" و ايضا " روحنا ضحية الحركة الثورية" و اخيرا ....

لشو التغيير

يلي عم تاكل عم تشرب وبأيَّ مطعم كنْت

مندقلك منغنيلك ومنسهر نحن وانتْ

هنّي الاكلات ذاتن والغنيّات ذاتن

حتى السمّيعة ذاتن لشو التغيير؟!

***

ّيلّي عم تكدح يوميّة وبأيّ شغلة كنتْ

كنّو فكرك انو بكرا بيحمينا نحن وانتْ

هنّي الأوادم ذاتن ما بيحميهن غير ذاتن

بيضلّن هني ذاتن لشو التغيير؟!

***

يّلي عم تطمح عالفاضي ومن أيّ ديانة كنتْ

المستقبل متل الماضي والحاضر هو انت

ما هنّي الطوايف ذاتن وبيجتمعوا مع ذاتن

حتى يختاروا ذاتن لشو التغيير؟!

***

يّلي عم تنطر بالفييّ وتحت العريشة كنت

شي علاقة رومنسية مع احلى واجمل بنت

هنّي البدايات ذاتن والنهايات ذاتن

حتى لو منن ذاتن لشو التغيير؟!

***

يّلي عم تحلم ليليّه وبأيّ فرشة كنت

بشي صبية هيفاويّة تتنسى وينك انتً

هني الصبايا ذاتن حتى البوسات ذاتن

وبما انو هنّي ذاتن لشو التغيير؟!

***

يّلي عم تحصر افكارك على أيّ محطة كنت

مهما تحصر مهما تحلل رح تبقى حيث انتْ

هنّي اللي بيحكوا ذاتن وما بيسمعو غير ذاتن

خدهن على علاّتن لشو التغيير؟!

***

يّلي عم تسعى للهجرة وعلى اية دولة كنت

مهما تسعى أنا بالعشرة ببصملك وين ما نزلت

هني البلدان ذاتن شمالاً وجنوباً ذاتن

شرقاً وغرباً ذاتن لشو التغيير؟!

***

يّلي عم تسمع للوقتي ومفكر في شي جديد

طمّن بالك هيّ هيّ ولا نقطة فيك تزيد

هني الأفكار ذاتن والألحان ذاتن

حتى الموسيقية ذاتن لشو التغيير؟!

***

آخر فكرة لولادي وأيضاً لولاد الناس

يّلي حلمن عم بزهّر حلمن عالعين والراس

بركي التغيير جايي

على حظّن هنّي جايي رغماً عن حزني جايي

انشالله التغيير

ر على ايدن هنّي جايي كرمال عيونن جايي

انشالله التغيير على وجّن هنّي جايي

ولو مهما طال جايي

انشالله التغيير انشالله التغيير

فقط مختلف مع المقطع الخامس حيث حبيبتي التي لن تستطيع البشرية انجاب مثلها

لتحميل الغنية http://www.skyoflebanon.com/songs/critic/Lashou_Teghyeer.mp3