أنســـــاك
اغنية مأمون الشناوى , بليغ حمدى , راست ,1961

أنساك داكلام أنساك ياسلام
أهو دا اللى مش ممكن أبدا ولا أفكر فيه أبدا
دا مستحيل قلبى يميل ويحب يوم غيرك أبدا
أهو دا اللى مش ممكن أبدا
* * * *
ولا ليله ولا يوم أنا دقت النوم أيام بعدك
كان قلبك فين وحنانك فين كان فين قلبك
أنا أنسى جفاك وعذابى معاك ما انساش حبك
أنساك . . داكلام أنساك . . ياسلام
واحب تانى ليه واعمل فى حبك ليه
دا مستحيل قلبى يميل ويحب يوم غيرك أبدا
أهو دا اللى مش ممكن أبدا
* * * *
ذكريات حبى وحبك ماانسهاش هى أيامى اللى قلبى فيها عاش
فيها أحلامى قلتها وحققتهاله فيها أحلامى لسه انا ما قلتهاش
اللى فات من عمرى كان لك من زمان
واللى باقى منه جاى لك لسه قوام
واحب تانى ليه واعمل فى حبك ليه
دا مستحيل قلبى يميل ويحب يوم غيرك أبدا
أهو دا اللى مش ممكن أبدا
* * * *
كان لك معايا أجمل حكايه فى العمر كله
سنين بحالها مافات جمالها على حب قبله
سنين ومرت زى الثوانى فى حبك انت
كل العواطف الحلوه بينا كانت معانا حتى فى خصامنا
وازاى تقول انساك واتحول وانا حبى لك أكتر من الأول
واحب تانى ليه واعمل فى حبك ليه
دا مستحيل قلبى يميل ويحب يوم غيرك أبدا
أهو دا اللى مش ممكن أبدا