نيــــــــولـــــــــوك

نيــــــــــــــو لــــــــــــــــوك

تصبغ ما تصبغ
ما يغشناش غشك
خمست في وشنا
و فردت ميت وشك
نروي فروع الشجر
تسكنها غربانك
بكرة العيال الغجر
تركبها و تهشك
***
يا حلم بدري اكتمل
و انت هلال مطفي
افتح بيبان الامل
عايز اشوف كتفي
و اسكت عن المحتمل
لو بقرة ولدت جمل
بارك ... و عيش مكفي
***

غزل البنات يا بنات
سكر بيدلع
خلا الخدود شربات
و الشفه حتولع
و فعله فعل الهوي
خلا الي ني استوي
يا لهوي ع المستوي
طلع كمان طلع
***
غزل البنات يا حريم
طوبه كسر طوبي
ملعون ابو التعليم
كان ايه نفع روبي
مش لابسه حاجه يا دوب
بتغني بالمشــــــــــروب
نشنت ع البطروخ
طلعلي الف صاروخ
ما تسك ع المطلوب
هي غناها سليم
و احنا اللي فينا عيوب
***
بحبك اه
يالهوي من حبك
ضيعت عمري عليك
و بلعتني ف عبك
هزيت ف وسط البلد
رقصت اطرافها
و بعد سبعين سنه
نفسك تكيقها
من فين تجيب يا فرج
و ربك الكاشف
هو اللي بات مبلول
حيكب ع الناشف
***
يا حمارة قلب البلد و غطاه
معاك عمري ما قلت الاه
و لا مرة ركبنا وراه
عصافير الجنه طارت
عشش ف الدوح
مسرور بسيفه العض
وراها فين ماطروح
بيقطع البناطيل
و الخجل والخوف
و يرش وش كسوف
على حلمها المفضوح
***
انا مش اله
و لانيش نبي
و لا داري ع الفعل الغبي
لاكن بوشوش ف الحجر
و أتأمل الكون و البشر
المجد للناس و الشجر
واحد بسيط
لاكن حويط
الحلم لايح ع الشطوط
مش ف الغويط
و لاهوش خطر
و لاهوش مطر
من سحاب الغير
الحلم اما تحققه
يا ترزقه ... في طي الشرج
و ان الف عام ... لو خرج
الحلم مش منطق ولا تفسير
عايز ارجع طعم الشعر من حلقي
و أدخل ضلام البير
يا مستلف روحي جاموسة
و وش حمار
الحق ع اللي ظلم
ولا ... علي الانفار

للشاعر عطية شواش

كمثله الملايين من المصريين الذين لا يسمع عنهم احد ولكنه ملئ برغبه في الكلام و التمرد و لكن علي رأي

.عمنا الشيخ امام و خالنا نجم الكلام عايز اذاعه و الاذاعه مستباعه للمياعه ف الغرام